कोरोना कहर : विश्वमा मृत्यु हुनेको संख्या आठ लाख ७८ हजार नाघ्यो

एजेन्सी । विश्वमहामारीका रुपमा रहेको कोरोना भाइरस (कोभिड( १९) का बिरामी पछिल्लो २४ घण्टामा विश्वमा दुई लाख ८९ हजार बढी थपिएका छन् भने २४ घण्टामा विश्वभर पाँच हजार ५ बढीले ज्यान गुमाएका छन् ।

हालसम्म विश्वमा कोरोना संक्रमितको संख्या दुई करोड ६७ लाख ७२ हजार ७३ हजार ५ सय बढी रहेको छ । हालसम्म विश्वभर कोरोना संक्रमणबाट मृत्यु हुनेको संख्या आठ लाख ७८ हजार ७३ पुगेको छ।

पछिल्लो २४ घण्टाभित्र थपिएका संक्रमितमध्ये भारतमा सबैभन्दा बढी ८७ हजार ११५ जना रहेका छन्। सोही अवधिमा मृत्यु हुनेको संख्या पनि भारत अग्रस्थानमा छ। गत २४ घण्टामा भारतमा कोरोना भाइरसका कारण एक हजार ६६ जनाले ज्यान गुमाएका हुन्। यसैगरी, अमेरिकामा ५१ हजार २९६ जना नयाँ संक्रमित थपिएका छन्।

त्यहाँ कोरोना संक्रमितमध्ये थप ९७४ जनाको ज्यान गएको छ। ब्राजिलमा ४५ हजार ६५१ जना नयाँ संक्रमित थपिँदा ८५५ जनाको मृत्यु भएको वर्ल्डोमिटर्सको तथ्यांक छ। गत २४ घण्टाभित्र अर्जेन्टिनामा १० हजार ६८४, फ्रान्समा आठ हजार ९७५, कोलम्बियामा आठ हजार ४८८, मेक्सिकोमा पाँच हजार ९३७ तथा रसियामा पाँच हजार ११० नयाँ संक्रमित थपिएका छन्।