भुवन केसीले माइतीघरकाे सिक्वेल बनाउने

काठमाडौं । अभिनेता तथा निर्माता भुवन केसीले माइतीघर २ बनाउने भएका छन् ।

याे चलचित्र पुरानाे नेपाली चलचित्र माइतीघरकाे सिक्वेल हुने बताइएकाे छ ।

उक्त चलचित्रकाे कलाकर तथा निर्माण टिम टुंगाे नलागे पनि निर्माता केसीले आफ्नो पूर्व घोषित चलचित्र पारसलाई पछि धकेल्दै माइतीघर २ निर्माण गर्न लागेका हुन् ।

संभवत: माइतीघर दुईका नायक उनकै छाेरा अनमोल केसी हुनेछन् ।

माइतीघर नेपालमा बनेको तेस्रो तथा निजी क्षेत्रबाट लगानी गरी बनाइएको पहिलो नेपाली फिल्म हो ।

उक्त चलचित्रमा माला सिन्हा, सिपी लोहनी आदि कलाकारले अभिनय गरेका थिए भने विएस थापा त्यसका निर्देशक थिए ।

पछि नायिका सिन्हा र नायक लाेहनी आपसी विवाह बन्धनमासमेत गाँसिए ।