कांग्रेसको जिल्ला अधिवेशनले गर्दा मधेस प्रदेशको बैठक २२ गतेलाई सर्‍यो

काठमाडौं । मधेस प्रदेशसभा बैठक स्थगित भएको छ । आज दिउँसो २ बजे बस्ने भनिएको बैठक फागुन २२ गतेसम्मका लागि स्थगित भएको हो ।

बैठकमा प्रदेश प्रहरी ऐन कार्यान्वयनसम्बन्धी संकल्प प्रस्तावमाथि छलफल हुने कार्यसूची थियो । तर, अन्तिम समयमा आएर बैठक स्थगित गरिएको सूचना प्रदेशसभा सचिवालयले निकालेको छ ।

स्रोतकाअनुसार मधेसमा नेपाली कांग्रेसको जिल्ला अधिवेशन १५ गते हुने भएकाले प्रदेशसभा बैठक स्थगित गर्न सभामुखलाई आग्रह गरिएको थियो । कांग्रेसको आग्रहमा नै बैठक स्थगित भएको हो ।