को हुन् ती ?

बादशाहलाई जुधाउँछन्-को हुन् ती ?
भारदारलाई कुदाउँछ्न्-को हुन् ती ?

हेर्दा-सुन्दा, दिग्भ्रमित हुन्छ जो कोही नि,
धेरैको पसिना, छुटाउँछन्-को हुन् ती ?

अनेक उपदेश दिएर अरुलाई,
आफ्नै कन्दनी चुडाउँछन्-को हुन् ती ?

राम-राम ‘अब यस्तो हुँदै छ’ भनेर,
मुतको न्यानोमा सुताउँछन्- को हुन् ती ?

फिजाउँछन् पसल, वासी बस्तु बटुली,
अचाक्ली फाइदा उठाउँछन्-को हुन् ती ?

यता-उता, फुटाउने जुटाउने धन्दा,
कर्मको धर्म, झुकाउँछ्न्-को हुन् ती ?