केही व्यथा त्यहाँ पनि

मलाई तिमीलाइ बिर्सनु नै छैन
तिमिलाइ सम्झनु मेरो हक हो
जाउ जति टाढा जान्छौ जाउ
त्यो मन पनि मेरो लागी दुखेको छ
थाहा छ त्यहाँ माया लुकेको छ

मलाइ हेर्ने आँखाले हजार कुरा बोल्छ
मैले छाम्ने धुकधुकीले तिम्रै पोल खोल्छ
जानेरै बाटो फेरे पनि
नदेखे झैँ अन्त हेरे पनि
त्यो मन पनि मेरो लागि रोएको छ​
यो मायाले त्यो मन पनि छोएकै छ

त्यस्तो कुनै पल बितेन जहाँ तिम्रो सम्झना नहोस
बिर्सन पनि चाहिन मैले सधै मनले तिमीलाइ छोवोस
नबुझे झैँ गरे पनि
अलि पर सरे पनि
त्यो मन पनि सम्झनामा अल्झेको छ
केही व्यथा त्यहाँ पनि बल्झेको छ ।