सोमबार, वैशाख ८, २०८२

३०६ पालिकामा कांग्रेसको नेतृत्व, एमाले १८७ र माओवादीले ११७

नेपालखोज २०७९ जेठ ७ गते ९:१९

काठमाडौं । स्थानीय निकाय निर्वाचनको पछिल्लो परिणामअनुसार सबैभन्दा बढी स्थानीय तहमा विजयी हासिल गर्नेमा नेपाली कांग्रेस देखिएको छ । कांग्रेसले अहिलेसम्म ३०६ पालिकाको नेतृत्वमा जित हासिल गरेको छ ।

यो समाचार तयार पार्दासम्म १८ पालिकामा कांग्रेस अगाडि देखिएको छ । यस्तै दोस्रो स्थानमा रहेको नेकपा एमालेले मेयर र गाउँपालिकाको अध्यक्ष गरी १८७ वटा पालिका प्रमुखमा जित हासिल गरेको छ । १७ पालिका प्रमुखमा एमाले अग्रस्थानमा छ ।

माओवादी केन्द्रले ११७ पालिका प्रमुखमा जित निकालेको छ भने चार स्थानीय तहमा अग्रस्थानमा छ । यस्तै नेकपा एकीकृत समाजवादीले १७ वटा गाउँपालिकाको अध्यक्ष जितेको छ भने दुई पालिकामा अग्रस्थानमा छ ।

जनता समाजवादी पार्टीले २४ प्रमुख पद जितेको छ भने ९ स्थानमा अगाडि छ । नेपाल मजदुर किसान पार्टीले भक्तपुर नगरपालिकाको मेयर जितेको छ । यस्तै लोसपा १० स्थानमा जित हासिल गरेको छ भने ५ स्थानको पालिका प्रमुखमा अगाडि छ । अन्य दल तथा स्वतन्त्र उम्मेद्वार गरी २७ वटा प्रमुखमा विजयी हासिल गरेका छन् भने पाँच प्रमुखमा अग्रता लिइरहेका छन् ।

प्रतिक्रिया