नेपाल र जापानी प्रतिनिधिमण्डलबीच भेट

काठमाडौं । नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपाल र जापानी संसदको प्रतिनिधिमण्डलबीच भेट भएको छ ।

जापानी संसदका सदस्य मासाकी जैराले नेकपा एस अध्यक्ष नेपालसँग काठमाडौंको आलोकनगरस्थित पार्टी केन्द्रीय कार्यालयमा भेट गरेका हुन् ।

भेटमा नेपाल र जापानबीचको सम्बन्ध, आर्थिक, जलविद्युत परियोजना, पर्यटन, नारायणहिटी दरबार संग्रहालयलगायतका विषयमा जापान सरकारको सहयोगका विषयमा छलफल भएको थियो ।