मेटाले ट्विटरसँग प्रतिस्पर्धा गर्ने

काठमाडाैं । मेटाले ट्विटरसँग प्रतिस्पर्धा गर्न नयाँ योजना बनाएको छ । फेसबुक र इन्स्टाग्रामको मूल कम्पनी मेटाले नयाँ टेक्स्ट-आधारित सोशल नेटवर्क एपमा काम गरिरहेको छ। यो नयाँ प्लेटफर्मले माइक्रोब्लगिङ साइट ट्विटर तथा मास्टरडनसँग प्रतिस्पर्धा गर्न सक्ने विश्वास गरिएको छ । मास्टाडन पनि ट्विटर जस्तै सेवा हो जुन २०१६ मा सुरु गरिएको थियो ।

कम्पनीका प्रवक्ताले बीबीसीलाई “हामी कन्टेन अपडेटहरू साझा गर्न नयाँ प्लेटफर्ममा काम गरिरहेका छौं । हामी विश्वास गर्छौं कि यो एक अद्वितीय ठाउँ सिर्जना गर्ने अवसर हो जहाँ सिर्जनाकर्ता र सेलिब्रेटीहरूले आफ्नो रुचिका बारेमा अद्यावधिकहरू समयमै साझा गर्न सक्छन्,। “

अहिलेको परिवेशमा ट्वीटर जस्ता एपले मेटालाई फाइदा पुग्ने विश्वास गरिएको छ । एलोन मस्क गत वर्ष ट्विटरको मालिक बनेदेखि नै यो प्लेटफर्मका बारेमा अनिश्चितता देखिदै आएको छ।

ट्विटरले विज्ञापनदाताहरूलाई संलग्न राख्न निरन्तर संघर्ष गरिरहेको छ। ट्विटरले निलम्बित खाताहरू पुनर्स्थापित गर्ने निर्णय गरेपछि धेरै कम्पनीहरूले माइक्रोब्लगिङ साइटबाट आफ्नो हात झिकेका छन् । मनी कन्ट्रोलको समाचार अनुसार नयाँ एपलाई हाल पी ९२ (P92 )कोडनेम दिइएको छ र यी प्रयोगकर्ताहरूले यसलाई आफ्नो इन्स्टाग्राम क्रेडेन्सियलबाट मात्र चलाउन सक्नेछन्। यो एप विकेन्द्रीकृत हुनेछ अर्थात् यसलाई सञ्चालन गर्ने अधिकार कसैको हातमा रहने छैन, न त यसलाई किनबेच गर्ने अधिकार नै हुनेछ ।

मेटाको यो नयाँ योजना यस्तो समयमा आएको छ जब फेसबुक आफ्नो प्रयोगकर्ता आधार कायम राख्न संघर्ष गरिरहेको छ ।