बैशाखदेखि बैंकको घटेको ब्याजदर लागू हुने

काठमाडौं । वैशाख १ देखि नै वाणिज्य बैंकहरुको घटेको ब्याजदर लागू हुने भएको छ । निक्षेपको ब्याजदर कटौती गर्ने बुधबार बिहान बसेको नेपाल बैंकर्स संघको बैठकले निर्णय गरेको थियो ।

संघको निर्णय अनुसार मुद्दती मात्र नभएर बचत, संस्थागत र कल निक्षेपको ब्याजदर पनि घटेको छ । निर्णयअनुसार बिहीबार वाणिज्य बैंकहरुले घटेको ब्याजदर सार्वजनिक गर्दै भोलि (२०८०) नयाँ वर्षदेखि नै लागू हुने जनाएका हुन्।

जसअनुसार फागुनमा ११ प्रतिशत रहेको साधारण मुद्दतीको ब्याजदर ९.९९ प्रतिशतमा कायम गरिएको छ।