पेरुमा बस दुर्घटना, ६ जनाको मृत्यु

काठमाडौं । उत्तरपश्चिम पेरुमा एउटा बस नदीमा खस्दा कम्तीमा ६ जनाको मृत्यु तथा १७ जना बेपत्ता भएका छन् ।

अधिकारीका अनुसार बस बिहीबार साँझ लिमाबाट उत्तरी पेरुको पोमाबाम्बाका लागि छुटेको थियो । उक्त बस शुक्रबार बिहान पाकोसबाम्बा नदीमा खसेको थियो, जसमा केही यात्रु हालसम्म बेपत्ता रहेका छन् ।

स्थानीय मिडियाले सडकको खराब अवस्थालाई सम्भावित कारणको रूपमा उद्धृत गरेका छन् । घटनास्थलमा प्रहरी र सिभिल डिफेन्स टोली तैनाथ भएकाले उद्धार कार्य जारी रहेको छ ।