श्रीलंकाको समुद्री इलाकाबाट १० भारतीय मछुवा पक्राउ

काठमाडौं । श्रीलंकाको जलसेनाले आइतबार राति आफ्नो जलक्षेत्रमा अवैध रूपमा माछा मारिरहेका १० जना भारतीय मछुवालाई पक्राउ गरेको छ ।

उत्तरी श्रीलंकाको मन्नारको दक्षिणमा रहेको समुद्री क्षेत्रमा आइतबार राति विशेष अपरेसनका क्रममा ती मछुवाहरूलाई पक्राउ गरिएको नौसेनाले जनाएको छ । उनीहरूले प्रयोग गरेका डुङ्गा पनि जफत गरेको विज्ञप्तिमा उल्लेख छ ।

नौसेनाले डुङ्गा र माछा मार्नेलाई कानुनी कारबाहीका लागि स्थानीय अधिकारीलाई बुझाएको जनाएको छ ।

श्रीलंकाको नौसेनाले सन् २०२५ मा हालसम्म ७० भन्दा बढी भारतीय मछुवालाई पक्राउ गरेको नौसेनाको तथ्याङ्कले देखाएको छ ।

नौसेनाले अवैध माछा मार्ने अभ्यासलाई रोक्न श्रीलंकाको समुद्री क्षेत्रमा नियमित गस्ती र अपरेसनहरू सञ्चालन गर्दछ ।