कारोबार रकम बढेर सात अर्ब ८४ करोड नाघ्यो

काठमाडौं । शेयर बजार परिसुचक नेप्से सामान्य अंकले उकालो लागेको छ । अघिल्लो दिन २३.८६ अंकले बढेको नेप्से साताको अन्तिम कारोबार दिन भने बिहिबार भने तीन दशमलव ३५ अकले बढेर २७ सय तीन दशमलव ३९ अंकमा पुगेको छ ।

यसैगरी क बर्गका कम्पनीको कारोबार मापन गर्नै सेन्सिटिभ इन्डेक्स पनि दुई दशमलव ३० अंकले बढेर चार सय ५० दशमलव आठ अंकमा पुगेको छ । नेप्सेमा आज ३२४ वटा कम्पनीको ६९ हजार ८९ पटकको कारोबारमा एक करोड ५५ लाख दुई हजार नौं सय ९८ कित्ता शेयर खरिद-बिक्री भएकोमा कुल कारोबार रकम सात अर्ब ८४ करोड ४६ लाख ४२ हजार चार सय ८७ रुपैंयाँ पुगेको छ ।

नेप्सेमा आज १३ वटा समूहको शेयर कारोबार भएकोमा तीन वटा समूहको सूचक बढेर बाँकी समूहको सूचक घटेका छन् । जसमध्ये वाणिज्य बैंक समूहको सूचक १५ दशमलव शुन्य पाँच अंकले बढेर १३ सय ७९ दशमलव ३४ अंकमा पुगेकोमा निर्जीवन बीमा समूहको सूचक ७९ दशमलव १३ अंकले बढेर १२ हजार ३४९ दशमलव १५ अंकमा पुगेको छ । यसैगरी अन्य समूहको सूचक पनि ३१ दशमलव ५७ अंकले बढेको छ ।

बिकास बैंक समूहको सूचक भने आज १२ दशमलव ६३ अंकले घटेर पाँच हजार चार सय ९७ दशमलव ४६ अंकमा झरेकोमा फाईनान्स समूहको सूचक ४१ दशमलव ४३ अंकले घटेर २५ सय ९६ दशमलव ३४ अंकमा पुगेको छ । जलबिद्युत समूहको सूचक पनि शुन्य दशमलव २६ अंकले घटेर ३५ सय तीन दशमलव २६ अंकमा झरेकोमा जीवन बीमा समूहको सूचक एक सय चार दशमलव २४ अंकले घटेर १३ हजार चार सय छ दशमलव ८८ अंकमा झरेको छ ।