२ हजार ६५ संक्रमित थपिए,२५ जनाको मृत्यु

काठमाडौं । नेपालमा थप २ हजार ६५ जनामा कोरोना भाइरसको संक्रमण पुष्टि भएको छ ।

पछिल्लो चौबीस घण्टामा देशमा विभिन्न प्रयोगशालामा गरिएको ८ हजार ७५२ जनाको पीसीआर परीक्षणमा १ हजार ५७७ र ४ हजार ३६५ जनाको एन्टिजेन विधिबाट गरिएको परीक्षणमा ४८८ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा थप २५ जना संक्रमितको मृत्यु भएको छ । यो सहित नेपालमा कोरोनाबाट ज्यान गुमाउनेको संख्या १० हजार ६ सय ६३ पुगेको छ ।

सोही अवधिमा २ हजार ३३७ जना कोरोना संक्रमणमुक्त भएको मन्त्रालयले जनाएको छ । यो सहित नेपालमा कोरोना जित्नेको संख्या ७ लाख ८ हजार २३० पुगेको छ ।

अझै देशभर ३७ हजार ५ सय ९९ जना सक्रिय संक्रमितको उपचार भैरहेको छ ।

देशभरका विभिन्न अस्पतालमा ६ सय ६२ जना संक्रमितको सघन उपचार कक्षमा उपचार जारी रहेको छ । त्यसैगरि १ सय ७१ जनाको भेन्टिलेटरमा उपचार भैरहेको मन्त्रालयले जारी गरेको विज्ञप्तिमा उल्लेख गरिएको छ ।