गजल

जिन्दगीले भुल्नु पर्ने पलहरु किन सम्झाइदिन्छ
हावामा लहरिएका आँचलहरु किन सम्झाइदिन्छ

खोला सुसाएरै गाइरहेको छ बिरहका गीतहरू
मौनशिविरमा कैद मादलहरु किन सम्झाइदिन्छ

दृश्यहरुमा नअल्झुँ भन्छु म, मन ठेगानमा छैन
बिर्सिएका आँखा र गाजलहरु किन सम्झाइदिन्छ

अतृप्तिको लस्कर छ लामो सगरदेखी सागर झैं
भुल्छु भनेको प्याला र बोतलहरु किन सम्झाइदिन्छ

सुख्खा होस आँखा सहारा मरुभूमि झै सुख्खा
बर्षिन्न भन्दा फेरि बादलहरु किन सम्झाइदिन्छ