भोट !

निर्वाचन फेरि आयो
भोट दिन जानुहोस्

पानी परे छाता ओडेर जानुहोस्
झगडा भए लाठी लिएर जानुहोस्
देशको मुहार फेर्ने हो भने
भोट दिन नचुक्नु होस्

पढेलेखेकालाई नदिनुहोस्
सोझा-साझालाई नदिनुहोस्
यिनले चलाउन सक्दैनन्
भोट त्यसलाई दिनुहोला
जसले भोट किनेर पनि जित्न सकोस्
भोट त्यसलाई हाल्नुहोस्
जसले गाउँ-घर थर्काएको होस् ।

नेता बनाउन पनि भोट दिनै पर्छ
नेता नभई देश चल्दैन
चाहे घिस्रेर चलाउन
चाहे ठेलेर चलाउन
जसरी चलोस्
जे गरी चलोस्

तपाईं-हाम्रो केको टाउको दुखाइ ?

पाँचको वर्षका लागि पुनः ढुक्क हुनुहोस्
अनि तकिया लगाएर सुत्नुहोस्
खानुहोस्, पिउनुहोस्, मोज गर्नुहोस्
तर भोट दिन न बिर्सिनुहोस्…।