भरतपुर महानगर मतगणना : सुवेदीभन्दा ३,७६० मतले दाहालकाे अग्रता

चितवन । चितवनको भरतपुर महानगरपलिकामा मतगणना जारी छ । विभिन्न स्थानीय तहमध्ये यस महानगरपालिकाको नेतृत्व कसको हुने हो भन्ने देशैभर चासो छ ।

पछिल्लो मतपरिणामअनुसार गठबन्धनबाट नेकपा माओवादी केन्द्रकी रेणु दाहाल अग्रस्थानमा छिन् । पछिल्लो मतपरिणामअनुसार उनले निकट्तम प्रतिस्पर्धी एमालेका विजय सुवेदीभन्दा तीन हजार ७६० मतले अग्रता लिइरहेकी छन् ।

यो समाचार तयार पार्दासम्म रेणुले २०,९४२ मत प्राप्त गरेकी छन् । उनलाई पछ्याइरहेका एमालेका विजय सुवेदीले १७,१८२ मत ल्याएका छन् । यस्तै स्वतन्त्र उम्मेद्वार जगन्नाथ पौडेलले ७,८८२ मत प्राप्त गरेका छन् ।

यसैबीच उपमेयरमा कांग्रेसका चित्रसेन अधिकारी भने २२,९५२ मतले अग्रस्थानमा छन् । उनलाई राप्रपाका हिमला गुरुङले १३,६४६ मत ल्याउँदै पछ्याइरहेकी छन् ।