भोट भने‍को भोट हो महोदय !

केमा हाल्नुहुन्छ हजुर भोट ?!
एक कप चियामा ?
एक प्लेट मासुमा ?
एक गिलास रक्सीमा ?
एक बिरा पानमा ?
एउटा नोटमा ?
एउटा पशुपतिको दर्शनमा ?
एउटा चाउचाउमा ?
कि एक प्लेट मममा ?

भोट भने‍को भोट हो महोदय !
तपाईँले जेमा हाल्नुहुन्छ त्यसले-
तपाईँलाई नबनाई छोड्दैन, बनाउँछ !

आज तपाईँले
भोट, चाउचाउमा हाल्नुभयो भने
भोली चाउचाउले
तपाईँलाई चाउचउ बनाउँछ !
आज तपाईँले
भोट, मममा हाल्नुभयो भने
भोलि ममले
तपाईँलाई मम बनाउँछ !!