खाकपतिबाट अर्बपति बनेका अजीम प्रेमजीको सफलताका ५ ठूला कारण

भारतको अग्रणी आईटी कम्पनीहरू मध्ये एक विप्रोका संस्थापक अजीम प्रेमजी ७८ वर्षका छन् । अजीम प्रेमजीको जन्म २४ जुलाई १९४५ मा मुम्बईमा भएको थियो । एडल्गिव हुरुन इन्डिया फिलान्थ्रोपी लिस्ट २०२२ अनुसार अजिम प्रेमजीले आर्थिक वर्ष २०२१-२२ मा ४८४ करोड भारतिय रुपैयाँ दान गरेका थिए । उनको कम्पनी भारतको तेस्रो ठूलो आईटी कम्पनी हो। उसले पैसा कमाएका मात्र छैनन्, उदारतापूर्वक दान पनि गरेका छन् ।

अजिम प्रेमजीलाई विश्वकै ठूला दाताहरूमध्ये गनिन्छ । विप्रोका संस्थापक अजीम प्रेमजीले त्यतिकै सफलता पाएका होइनन् । आउनुहोस् हेरौं उनको सफलता पछाडिका ५ ठूला कारण :

हार नमान्ने

अजीम प्रेमजीका हजुरबुवा चामलको व्यवसायसँग आवद्ध थिए । उनका बुबा मोहम्मद हुसेन प्रेमजीले पनि आफ्नो बुबाको व्यवसायलाई अगाडि बढाए । धान व्यवसायमा खासै नाफा थिएन । त्यसैले उनिहरुको घाटा बढ्दै गयो । बुबाको मृत्युपछि व्यवसायको जिम्मा लिएपछि उनले अन्य धेरै व्यवसायमा हात हाले । सन् १९७७ मा उनले कम्पनीको नाम परिवर्तन गरेर विप्रो राखे । आज विप्रो देशको तेस्रो ठूलो आईटी कम्पनी हो ।

जित्नमा ध्यान केन्द्रित

सफलता प्राप्त गर्न सकारात्मक सोच आवश्यक छ । अजिम प्रेमजीका अनुसार सफलता दुई पटक आउँछ। एक पटक हाम्रो दिमागमा र एक पटक वास्तविक संसारमा । यसका लागि पढाइमा पनि ध्यान पुर्याउनु पर्छ । उनले देशलाई अगाडि बढाउने प्रमुख हतियार शिक्षा नै भएको बताएका छन् ।

लक्ष्यहरू सेट

अजीम प्रेमजीले आईटी फिल्ड कत्तिको अगाडि जान्छ भन्ने कुरा सन् १९८० मै बुझेका थिए । उनले आफ्नो कम्पनीलाई टेक्नोलोजी र कम्प्युटिङ क्षेत्र अनुसार ढालेका छन् । अजिम प्रेमजी सधैं लक्ष्य लिएर काम गर्छन्। जीवनमा सफल हुनका लागि सही र ठूला लक्ष्यहरू तय गर्न आवश्यक छ भन्ने कुरा उनको जीवन बाट बुझिन्छ ।

स्मार्ट मानिसहरुको साथ

अजिम प्रेमजीका अनुसार यदि सफल हुन चाहने हो भने धेरै भन्दा धेरै सफल व्यक्तिहरूमाझ रहनुपर्छ । उनका अनुसार आफूभन्दा बढी जान्ने मानिसका बिच काम गर्दा आत्मविश्वास बढ्छ ।

सधैं आफैलाई सुन्नुहोस्

जीवनमा सफल हुन सबैको सबै कुरा सुन्न जरुरी छैन । अजिम प्रेमजीका अनुसार यदि मानिसहरू तपाईंको लक्ष्यमा हाँसेका छैनन् भने तपाईंको लक्ष्य अझै पनि सानो छ । अगाडि बढ्न आफैमा विश्वास गर्नु धेरै महत्त्वपूर्ण र जरुरि छ ।