मेट लाइफको ‘सधैँ तपाइको साथ’ कार्यक्रमको सुरुवात

काठमाडौं । मेट लाइफ नेपालले आफ्ना ग्राहकसँग गहिरो सम्बन्ध बढाउन र निरन्तर सहयोग प्रदान गर्नका लागि मेट लाइफ ‘सधैँ तपाइको साथ’ (विथ यु) एक अग्रगामी कार्यक्रमको सुरुवात गरेको छ ।

यस अभिनव कार्यक्रमले कम्पनी र ग्राहक बीचको सम्बन्धलाई सुदृढ पार्ने उद्देश्यले आफ्नो बिमा योजना र अतिरिक्त सेवा बारे राम्ररी जानकारी प्रदान गर्दै उनीहरूलाई कम्पनी प्रति विश्वस्त रहन सुनिश्चित गर्ने लक्ष्य राखेको छ ।

यस कार्यक्रमको मुख्य उद्देश्य ग्राहकलाई व्यक्तिगत सेवा प्रदान गर्ने प्रतिबद्धता रहेको छ । मेटाइफका अभिकर्ताले आफ्ना ग्राहकसँग नियमित रूपमा सम्पर्कमा रहनेछन्, र परम्परागत बिमाको दायरालाई पार गरेर प्रत्यक्ष भेटघाट गर्नेछन् । यी भेटघाट केवल शिष्टाचार भेट मात्र नभई ग्राहकलाई बिमा योजनाको जानकारी र विभिन्न अन्य सेवाको विस्तृत मार्गनिर्देशन प्रदान गर्दै सेवालाई प्रभावकारी रूपमा प्रयोग गर्न मद्दत गर्ने उद्देश्यले आयोजना गरिनेछ ।

साथै, ग्राहकले मेट लाइफ नेपालको नयाँ पहल र ग्राहकको लागि हुने गतिविधि बारे जानकारी प्राप्त गर्नेछन् ।

मेट लाइफ नेपालका महाप्रबन्धक निर्मल काजी श्रेष्ठले भने, ‘यस कार्यक्रम सँगै मेट लाइफ नेपालले ग्राहक संलग्नतामा नयाँ मापदण्ड स्थापना गर्दै छ, र उत्कृष्ट, ग्राहक-केन्द्रित सेवा प्रदान गर्ने हाम्रो प्रतिबद्धतालाई थप मजबुत बनाउँदै छ । यस ’सधैँ तपाईँको साथ’ कार्यक्रम हाम्रो ग्राहकसँगको सम्बन्धलाई पुनः परिभाषित गर्ने महत्त्वपूर्ण कदम हो, जसले ग्राहकलाई हामी सँगको यात्रालाई निर्धक्क भएर अगाडि लैजान आत्मविश्वास दिने लक्ष्य राखेको छ ।’