अमेरिकी सहायताको अचानक फिर्ताले लाखौँको जीवन जोखिममा : युएनएड्स प्रमुख

काठमाडौं । युएनएड्स प्रमुख विनी ब्यान्यिमाले सोमबार अमेरिकी विदेशी सहायता कोषको अचानक रोकावट ‘विनाशकारी’ भएको बताएकी छन् । उनले थप कोष बिना लाखौँ मानिस मर्ने र विश्वव्यापी एड्स महामारी पुनः फैलिने चेतावनी दिएकी छन् । 

संयुक्त राज्य अमेरिका ऐतिहासिक रूपमा मानवीय सहायताको विश्वकै सबैभन्दा ठूलो दाता रहेको तर राष्ट्रपति डोनाल्ड ट्रम्पले दुई महिनाअघि ह्वाइट हाउस फर्केपछि अन्तर्राष्ट्रिय सहायता कटौती गरे ।

‘संयुक्त राज्य अमेरिकाले समय-समयमा आफ्नो कोष घटाउन चाहनु उचित छ तर जीवन बचाउने समर्थनको अचानक फिर्ताले विनाशकारी प्रभाव पारिरहेको छ’, युएनएड्सकी कार्यकारी निर्देशक विनी ब्यान्यिमाले जेनेभामा पत्रकारहरूलाई भने, ‘हामी पुनर्विचार र जीवन रक्षा गर्ने सेवाहरूको आकस्मिक पुनःस्थापनाका लागि आग्रह गर्दछौँ ।’

उनले थप कोष बिना आगामी चार वर्षमा थप ६३ लाख एड्स-सम्बन्धित मृत्यु हुने चेतावनी दिए । पछिल्लो गणनाअनुसार सन् २०२३ मा लगभग छ लाख एड्स–सम्बन्धित मृत्युहरू विश्वव्यापी रूपमा दर्ता गरिएको उनले बताए ।