शनिबार, वैशाख ६, २०८२

आगलागीबाट विभिन्न धनमाल जलेर नष्ट

नेपालखोज २०८२ वैशाख १ गते २१:२२

काठमाडौं । सप्तरीको महादेवा गाउँपालिका–१ चिम्टि टोल बस्ने ६५ वर्षीय हुमेसर प्रसाद यादवको ब्राखा फर्ममा विद्युत सर्ट भई आइतबार दिउँसो आगलागी हुँदा करिब ५ लाख ३८ हजार रूपैयाँ बराबरको धनमाल जलेर नष्ट भएको छ । साथै उक्त आगो निभाउने क्रममा जलेर घाइते भएका हुमेसर प्रसादको हेल्थ पोष्ट महादेवा सप्तरीमा उपचार भइरहेको छ ।

भोजपुरको टेम्केमैयुङ गाउँपालिका–८ सल्लेनी बस्ने देउ कुमार विकको घरमा आइतबार राति आगलागी हुँदा करिब ६ लाख रूपैयाँ बराबरको धनमाल जलेर नष्ट भएको छ ।

पर्साको विन्दवासिनी गाउँपालिका–१ गर्दौल बस्ने प्रमोद तिवारीको गोठमा गए राति आगलागी हुँदा करिब ४ लाख ८५ हजार रूपैयाँ बराबरको धनमाल जलेर नष्ट भएको छ ।

बाराको निजगढ नगरपालिका–५ प्रभाव बस्ती बस्ने भक्त बहादुर थापाको घरमा गए राति आगलागी हुँदा घर पूर्णरूपमा जलेर करिब २० लाख रूपैयाँ बराबरको धनमाल नष्ट भएको छ ।

संखुवासभाको चैनपुर नगरपालिका–१ याङ्सिजुङ बस्ने लाक्पा तर्बु शेर्पाको घरमा आइतबार साँझ आगलागी हुँदा करिब ४ लाख ६२ हजार रूपैयाँ बराबरको धनमाल जलेर नष्ट भएको छ । कास्कीको पोखरा महानगरपालिका–८ स्थित ईन्द्रेणी कस्मेटिक एण्ड बटन सपमा विद्युत सर्ट भई गए राति लागेको आगो फैलिएर सोही पसल संगै रहेको सुप्रिज्ञा ट्रेडर्समा समेत आगलागी हुँदा करिब १२ लाख रूपैयाँ बराबरको धनमाल जलेर नष्ट भएको छ ।

दैलेखको चामुण्डा बिन्द्रासैनी नगरपालिका–२ खोक बस्ने ३५ वर्षीय पुने कामीको घरमा सोमबार बिहान आगलागी हुँदा करिब १ लाख ४९ हजार रूपैयाँ बराबरको धनमाल जलेर नष्ट भएको छ ।

गुल्मीको इस्मा गाउँपालिका–१ मल्दीको सारू टोल कोलाचौर बस्ने दान बहादुर सारूको घरमा सोही ठाउँ बस्ने ३५ वर्षीया सबिता महतले संचालन गरेको किराना पसलमा विद्युत सर्ट भई सोमबार बिहान आगलागी हुँदा पसलमा रहेको नगद, सुन, लत्ताकपडा, भाँडावर्तन लगायतका सरसामान जलेर करिब ३ लाख ५० हजार रूपैयाँ बराबरको धनमाल नष्ट भएको छ ।

प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

विभिन्न धनमाल चोरी

काठमाडौंको टोखा नगरपालिका–९ गोंगबु डेरा गरी बस्ने नुवाकोट पञ्चकन्या गाउँपालिका–५ घर भएका ५० वर्षीय राम बहादुर श्रेष्ठको कोठाबाट सुन र चाँदीका विभिन्न गरगहना तथा नगद १ लाख रूपैयाँ समेत गरी करिब ३ लाख ५ हजार ८ सय रूपैयाँ बराबरको धनमाल आइतबार राति चोरी भएको छ ।

बाँके, नेपालगंज उपमहानगरपालिका–४ स्थित डेरा गरी बस्ने सप्तरी रूपनी गाउँपालिका–६ घर भएका ४४ वर्षीय अशोक कुमार यादवको कोठाबाट सुनका विभिन्न गरगहना र नगद समेत गरी करिब ५ लाख २० हजार रूपैयाँ बराबरको धनमाल आइतबार दिउँसो चोरी भएको छ ।

प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।

प्रतिक्रिया