उपभोक्ताका लागि सर्वोत्कृष्ट मूल्यका साथै विविध उत्पादनका रेञ्ज उपलब्ध गराउने लक्ष्य

काठमाडौं । नेपालकै अग्रणी अनलाइन बजार प्लेटफर्म दराज नेपालले आफ्ना ग्राहकका लागि नयाँ अप्शनका रुपमा ’च्वाइस’ सार्वजनिक गर्ने घोषणा गरेको छ ।

यो अप्शनमार्फत उपभोक्ताले उत्कृष्ट मूल्यमा निर्माता स्रोतबाट छानिएका १,००० भन्दा बढी टप-रेटेड उत्पादन सिधै खरिद गर्न सक्नेछन् । ती उत्पादनहरुको न्यूनतम मूल्य रु. १३० देखि सुरु हुने जानकारी दिइएको छ । साथै, कम्पनीका तर्फबाट ती उत्पादनहरुको खरिदमा विशेष अफर तथा उन्नत लजिस्टिक सहयोग पनि प्रदान गरिनेछ ।

‘च्वाइस’ ले एकै कार्ट र एकै वेयर हाउस प्रणाली मार्फत किनमेल प्रक्रियालाई अझ सहज बनाउने कम्पनीको विश्वास छ । यस प्रणालीले एकै पटक धेरै सामग्री किन्न, १ देखि ३ दिनभित्र द्रुत डेलिभरी प्राप्त गर्न, तथा ३ वा सोभन्दा बढी सामान खरिद गर्दा फ्रि डेलिभरीको सुविधा समेत उपलब्ध उपलब्ध गराउने छ ।

साथै, ४ वा सो भन्दा बढी सामग्री खरिद गर्ने ग्राहकले उपलब्ध स्टकमा आधारित भएर पहिलो आउनेलाई पहिलो प्राथमिकता दिइने फ्रि गिफ्ट पाउने सुविधा पनि प्राप्त गर्नेछन् । त्यसैगरी, १४ दिनसम्मको बिना झन्झट फिर्ता नीति, र ‘लाइटनिङ डिल्स’, ‘अर्ली बर्ड अफर’ तथा ‘फ्ल्याश सेल्स’ जस्ता रोमाञ्चक अफरपनि उपलब्ध हुने कम्पनीले जानकारी दिएको छ ।

दराजको पे डे सेल (अप्रिल २५ देखि २९ सम्म) सँगै सुरु गरिने ‘च्वाइस’ मा ग्राहकले ग्रोसरी, हाउसहोल्ड, पर्सनल केयर, मदर एण्ड बेबी, तथा हेल्थ एण्ड ब्यूटी लगायतका विविध कोटामा युनिलिवर, प्रोक्टर एण्ड ग्याम्बल, ब्रिटान्निया, डाबर, गोद्रेज, पिल्ग्रिम, बेर एनाटमी लगायत पृथक तथा ट्रस्टेड ब्रान्ड मध्यबाट छानिएका उत्पादन खरिद गर्न सक्नेछन् ।

दराज एपमा होमपेज तथा “च्वाइस” सर्च फिल्टरमार्फत यो अप्शनमा सजिलै प्रवेस गर्न सकिने छ । यसले प्रयोगकर्तालाई सहज, सरल र उपयोगकर्ता मैत्री अनुभव प्रदान गर्नेमा कम्पनी विश्वस्त रहेको छ ।

दराज नेपालका प्रबन्ध निर्देशक आँचल कुँवरले भन्नु भयो, “हामीले ग्राहकको स्तरिय किनमेल अनुभवप्रतिको बढ्दो अपेक्षालाई दृष्टिगत गर्दै ‘च्वाइस’ अप्शनको सुरुवात गर्न लागेका हौं । गुणस्तरीय उत्पादनहरु उपयुक्त मूल्यमा, छिटो र निःशुल्क डेलिभरी सुविधा सहित उपलब्ध गराउँदै दराजले आफ्नो ब्रान्ड वाचालाई अझ बलियो बनाएको छ ।

अप्शनका साथमा उपलब्ध हुने सजिलो फिर्ता नीतिले उपभोक्ताको किनमेल अनुभव अझै सरल र भरपर्दो बनाउने कुरामा हामी विश्वस्त छौँ । यसै माध्यमबाट हामी ग्राहकको विश्वासलाई थप मजबुत बनाउँदै बजार नेतृत्वलाई अझ सुदृढ गर्दैछौं ।”

दराज ग्रुपका बारेमा :
सन् २०१५ मा स्थापित दराज, नेपाल, पाकिस्तान, बंगलादेश, श्रीलंका र म्यानमारमा अग्रणी ई-कमर्श प्लेटफर्मका रुपमा सञ्चालित रहेको छ । यसले ५० करोडभन्दा बढी जनसंख्याका लागि अत्याधुनिक प्रविधिमा आधारित बजार प्रणालीमार्फत बिक्रेता र ग्राहकलाई सशक्त बनाउँदै आइरहेको छ ।

ई-कमर्श, लजिस्टिक्स, पेमेन्ट र वित्तीय सेवालाई समेट्दै दराजले व्यक्तिगत, प्रभावकारी किनमेल अनुभव सिर्जना गर्दै दक्षिण एसियाली समुदायलाई समृद्ध बनाउने लक्ष्य बोकेकोे छ ।