नाटो सदस्य राष्ट्रबीच रक्षा बजेटमा उल्लेखनीय वृद्धि

काठमाडौं । नाटोले सन् २०२४ मा ३२ सदस्य राष्ट्रमध्ये २२ राष्ट्रले आफ्नो कुल आम्दानी (जिडीपी) को कम्तीमा दुई प्रतिशत रक्षा क्षेत्रमा खर्च गरेका जनाएको छ ।

सन् २०२२ मा रुसले युक्रेनमाथि हमला गरेपछि धेरै युरोपेली देशले आफ्नो सेना र सुरक्षा खर्च बढाएका हुन्। नाटोले सबै सदस्य देशलाई कम्तीमा दुई प्रतिशत खर्च गर्न सल्लाह दिँदै आएको छ ।

अमेरिकी राष्ट्रपति डोनाल्ड ट्रम्पले अब त्यो खर्च ५ प्रतिशत पुर्‍याउन आग्रह गरे । उनले यदि सदस्य देशहरूले आफ्नो सुरक्षा खर्च गरेनन् भने अमेरिकाबाट सहायता पाउन कठिन हुन सक्ने बताए ।

नाटोले पहिले २३ देशले यो लक्ष्य पुरा गर्ने अनुमान गरेको थियो, तर अन्तिममा २२ देशले मात्र पुरा गरेका छन् ।

युरोपेली देश र क्यानडाले सन् २०२४ मा संयुक्त रूपमा १९ प्रतिशतभन्दा बढी रकम रक्षा क्षेत्रमा खर्च गरेका छन् । केही देशले चाँडै २ प्रतिशतको लक्ष्य पुरा गर्ने बताएका छन् ।

स्पेनले यसै साता १० अर्ब युरोभन्दा बढी लगानी गरी यो वर्षभित्रै लक्ष्य पुरा गर्ने घोषणा गरेको छ ।

अमेरिका भने नाटोभित्र सबैभन्दा धेरै खर्च गर्ने देश हो। उसले सन् २०२४ मा नाटोको कुल खर्चको ६४ प्रतिशतभन्दा बढी व्यहोरेको थियो ।