महिला लिग फुटबलमा आज आर्मी र चन्द्रपुर नगरपालिका भिड्दै

काठमाडौं । राष्ट्रिय महिला लिग फुटबलमा आज एक मात्र खेल हुँदैछ । सातदोबाटोस्थित एन्फा कम्प्लेक्समा हुने खेलमा विभागीय टिम त्रिभुवन आर्मी क्लब र रौतहटको चन्द्रपुर नगरपालिकाबीच प्रतिस्पर्धा हुनेछ ।

आर्मी र चन्द्रपुरबीचको खेल दिउँसो २ बजे सुरु हुनेछ । चन्द्रपुरविरुद्ध आर्मी लिगमा दोस्रो जित निकाल्न समेत चाहन्छ । आर्मी ३ खेलमा ४ अंक जोडेर पाँचौं स्थानमा रहेको छ । चन्द्रपुरलाई हराएको खण्डमा आर्मी दोस्रो स्थानमा उक्लनेछ ।

यस्तै चन्द्रपुर ३ अंक जोडेर लिगको छैटौं स्थानमा रहेको छ । आर्मीविरुद्ध मैदान उत्रदा चन्द्रपुर पनि दोस्रो जित निकाल्ने योजनामा रहेको छ ।